Marahistory

*SIAHA BOXER ZY RÔNAH KAW TA DYPA AMA CHÂ.* Zahnia Târi 30 March, 2019 khata Siaha boxer-zy Mizoram Inter-District Boxing Championship, 2019 liata ahlaopazy cha Tipi ferry taihta theiti chhaota dypa ama châ. Dyna liata pua theipazy cha, L. Khaichyu, MDC (MADC) Siaha, L. Lalduhkima, Secy i/c Social Welfare, MTP (H), C.h. Beikhochhi, Vice President, MSO (H), Lh. Vabei, ECM MTP (H), Jeno Hlychho, ex Miss Mara zy ama châ. Siaha district tawhta medal alapazy cha: MIZORAM INTER DISTRICT BOXING CHAMPIONSHIP - 2019 *Gold Medalist* (Sub Junior Girl) L. Vanlalduatsangi 48kgs (Sub Junior boys) Lh. Beihneisa 38kgs Lh.Vasupha 34kgs *Silver Medalist* (Sub Junior Boys) L. Joseph Buihringpachha 32kgs NT. Beipatla 40kgs (Junior Boys) VL.Hmangaihchhunga 52kgs (Senior Boys) Ramnghinglova 49kgs T. Beirapathai 52kgs *Bronze Medalist* Zonunzira 60kg

*HIGH SCHOOL TEACHER PENSION TA STUDENT ZY NGIACHHIENA VÂTA A SAI PATA PACHUNA RAI PAZAO AW* Târi noh 29th March, 2019 khata Zyhno Govt High School teacher Pupa TT Pawla supernuation pension ta târi noh 31st March, 2019 pua awpa cha Zyhno Teacher Association (ZTA) ta pathliena ama hnei. Pupa B. Vahnei, President ta chhitha ta, Rev M  Beipiesa Mihlô, Zyhno biatuhpa ta daihti pavaosana a hnei. Pupa Pawsa Solo ta ZTA vyuh pata biereina hnei ta, LD. Vabeihruasa, President MSO Gen Hqrs nata Pupa S. Thalo, teacher pensioner zy hleikhô ta Pupa TT Vakhu nata mohropa chhao biereina pha kawpa ama hnei chyu hra. Pupa TT Pawla he kô 1982 tawhta Zyhno High School liata Rs 300/- ngâlâ hlao pata private lia vaw pachu pathao ta, kô 37 tlai pachuna rai a vaw hria tawhta sawkhâ dâh hawhta pension daihti a vaw tlô haw. Ano he pachuna ky liata phahnai a ngiah kawpa nata tiama kawpa châ ta, a raihria liata chysa ngâchhih kawpa a châ. Ano student tawhta Class- X exam liata First Division a passed t

TAHMÂ HLÂ MARA CHANÔ MÂ REIZIE PHANA NATA PHA LEINA. ~ Machâ Dr.S.Hrachu (L) College vaih, Siaha Zyhno KNP. Branch ta ama KNP Diamond Jubilee athei thlâh n’awpa châta Souvenir papua amâ chhuahpa liata ‘Tahmâhlâ Mara Chanô mâ reizie phana nata pha leina’ tahpa roh awpa ta ahawna ei hmôpa he aly kaw na ta; roh awpa deikua chyhsa zydua pachâzie châ khai aw vei tahpa cha pahno chhieliepa a cha thlâh tarawpa ta, einâ hawna hawhta ei khozie nata ei pachâzie hawhta ei vaw roh lymâ hrapa he reituhpazy maih ta eima râh duahmo nata hmialâ hmo y zie awpa pachâ laihpa ta ropa a châna chhao sai pâh laih na chô ta nama rei awpa ta ei châ haw chyu ei. Khizaw photo chyhsa zydua pi heta Thyukhei hro (Culture) hnei khai chyu pi ta, cha hry liata pho thokhapa cha ama reih pahlei hapa nata ama hro thyukhei (Culture) chhao apahlei hapa zy ama y. Cha hawhpa chi nata phozy deikua cha ama chi nata pho thyukhei pahlei hapa ta, chi hro pho hropazy phôh nata dâh â hly thlâh ha bâpa zy ama y

Amo khotlyna nata a pasaina hawh tlai ta Abeipa reithaina hla ama sa tyhpa vâta Music Gospel Video hluhpi maniah pietuhpa Gospel Outreach Ministry he hmia a vaw pahno hra mah y...  *GOSPEL OUTREACH MINISTRY THÂTIH TLÂHPIPA*  _Anywhere with Jesus)_ Compiled by : Beihrua Lodao Mararâh liata Gospel Ministry hmiatuah chaipa tah thei awpa nata Abeipa reithaina hlasa pata chakaona raihriatyhpa cha Gospel Outreach Ministry he ama châ tah ei sih la reichhei tu thlyu ma pi. Khizaw râh lia chareipa eima châna hawhta tlohleina nata phahlana hluhpi ama hnei hra. Reipachhiena nata mohnaona hluhpi a tyh châh y hra sala ngiachhie chakaona raih hria awpata aw papua ta a pyhtuhpa Abeipa chakao awpa he ama khohchaipa a châ. Ama phana rakha liata amo nata amo a tôh chhy pata su nano nanopa liata chakaona siekhei hnolo ei ta, Kô 2005 tawhta atanoh taihta Khazohpa baona nata Awnanopazy thlahchhâ kheihna vâta chakaona rai khâ pazao thei lymâ pa a châ. Gospel Outreach Ministry he atahmâ kô 14-na a

Mara Global Meet, 2018, Hnaro (Hnaring) Town - He meet he Marasaw râh hro hropa liata a ypazy reihraona nata apôkhana pha viapa y via thei lyma nawpata taopa a châ. He daihti liana heta Pupa Hiphei, Speaker, Mizoram Legislative Assembly cha Khichai Laipa Chief Guest hruapa a châ. Hnaro (Lautu) mo he Marapa ama châ thla vei ma? He video he vaw moh la Marapa y zie na pahno thei aw..

Mara chi nata pho zohna tawhta khaihna la miah a chhithatuhpa Rev RA Lorrain samohpa Pinô Vaili (Rev Violet Louise Annie Mark), Freddy Nô apakyna a chá. Pinó Vaili he marasaw thokha hlâta marareih thai via syulyu ta, Mararâh Saikao liata laiseihpa hmata châ hra sala English chhao he origianl accent ta bie a rei thei thla chy heih... A video he duah vaw moh tuah hra mah y.. 

ZYHNO KHIH VAW TLY HRA MAH Y. Beihrua Lodua, Zyhno                                  (Camp: Siaha) Hlichhaw nata Hlaw-y zy vâta Mararâh liata kypachâpazy khihpi tah thei awpa y chhôhpa cha Zyhno khihpi he a châ thlyu na. Mararâh khihpi Siaha tawhta kilometers 85 â hlapa châ ta, mawtaw (motor) ta dawh 3:30 rachhôh lâsie a châ. India central sawkhâ pahnokheipa National Highway(NH-54) chhâna nata Mararâh khihpi sanona Tipa tawhta 10kms na sie tawhta khih hmoh a ryh kawpa, Maraland Airport tao nawpa hmahta su a ryh kawpa Siatlai khih na tlô aw. He Siatlai he khih moh hawhta reipa hmata châ hra sala Zyhno khithieh tahpa tawhta a pasie laihpa ama châpa vâta Zyhno khih dohseipa, vaih kha hawhta pachâ theipa a châ. He Siatlai tawhna heta nochhi lâ na sai khiatala a ry lâta khih a ryh kawpa, Lawpi tlâh chô liata nai zualua pata khih hmoh a paryhpa na hmô aw. A hmiaphao cha Helicopter nata a lyu kaw aw ta, Krizypa khih a châ zie pasia via nawpa ta khih luh nata chao lâ liata Ach

HMAULAI MÂCHHIESANA POHHLUH PAHYNA Lebaw Solo MCS (L) “Chaizah Beiva tlua rasalah e.., Zathah Beiva tlua rasalah  e.., Malu chadau Hmaulai lyale ne”         Hlâno ta cha Mara Beizy ama thi tawhta vâropi cha athihpa sanawh nata ama machhiezy ta mâchhiesana ama vaw hnei tyh. Ama mâchhiesana papai n’awpa ta khihro lâta chyhsazy siehnao ei ta, ama luhzy kei la ei ta,cha cha ia ei ta,mâchhie papai n’awpa ta ama vaw hmâh tyh tahpa a chô liata hla tawhta pahno theipa a châ hra.Marapazy pi he eima mahnô-mahpaw daihti nota cha chi riahpha kawpa châ pi ta.Mongyuhnah chhaota Assam nata Arakan tlâhrâh chyhsa hry liata niah ama pahnie hawh chaipa eima châ.Mawnahzy British sawhkhâ ta a vao tawh chhaota Maranah pi cha daihti khasâ rakha ma cha Mongyuhnah ta ryu maniah reipa thei lei khâh ei ta, hlâno tah eima phôhryhpa chhao a chaba parei chaipa py eima châ hra.Chavâta Mawrâh cha British sawhkhâ ku liata a y tawh chhaota mozy khâ eima vaw thie tyh. Zyhno Beipa Hmaulai thipa vâta a khisawzy