Amo khotlyna nata a pasaina hawh tlai ta Abeipa reithaina hla ama sa tyhpa vâta Music Gospel Video hluhpi maniah pietuhpa Gospel Outreach Ministry he hmia a vaw pahno hra mah y...
*GOSPEL OUTREACH MINISTRY THÂTIH TLÂHPIPA*
_Anywhere with Jesus)_
Compiled by : Beihrua Lodao
Mararâh liata Gospel Ministry hmiatuah chaipa tah thei awpa nata Abeipa reithaina hlasa pata chakaona raihriatyhpa cha Gospel Outreach Ministry he ama châ tah ei sih la reichhei tu thlyu ma pi. Khizaw râh lia chareipa eima châna hawhta tlohleina nata phahlana hluhpi ama hnei hra. Reipachhiena nata mohnaona hluhpi a tyh châh y hra sala ngiachhie chakaona raih hria awpata aw papua ta a pyhtuhpa Abeipa chakao awpa he ama khohchaipa a châ. Ama phana rakha liata amo nata amo a tôh chhy pata su nano nanopa liata chakaona siekhei hnolo ei ta, Kô 2005 tawhta atanoh taihta Khazohpa baona nata Awnanopazy thlahchhâ kheihna vâta chakaona rai khâ pazao thei lymâ pa a châ. Gospel Outreach Ministry he atahmâ kô 14-na a sie haipa châ ta, Members hluhpi y pata rypaohna lymâ hawhta chakaona rai ama hria hai.
He Ministry he Maraland Outreach chakaona chhâh chabâhpa pazao awpata a vaw duahpa a châ. He Ministry a vaw duana chhâpa rei awpata cha a thari chaipa Maraland Outreach thatih eima pahno tuapa byuh ta, Maraland Outreach a vaw duana zie cha he hawhna heta a châ.
Kô 2005, Khôpai K.T.P. pakhypi a pai tawhta Evan.RC. Beilaizi Bohia, FC. Minela nata Nixon P. Notlia zy palôhrupa liata arâh hlapy sâkha chhao y leipa cha ama chhôh khai kaw ta, Hlapy padua awpa ta khohna nata uahvana cha palaiseihsapa ta Dt 16th Feb, 2005 zâ ta reih pahmaopa a châ. Padua cheingei awpa cha pha ama tahpa vâta Dt 17th Feb, 2005 myh ta B. Tevo (L) O liata nie pahmaohna zy hneipa ta Hlapy chôchâh he rei pazi heihpa châ ta, Khazohpa thatlôna ngâchhâpa ta padua awpa ta pathlupa a vaw châ haw. Mohchho châta “Maraland Outreach” tahpa a châ.
Choir Members:
1. Evan.RC. Beilaizi Bohia
2. FC.Minela.
3. K. Thangrimawi
4. Deborah Syuhlo
5. Nixon P. Notlia
6. C. Lalramhlunmawii
7. S.Peter
8. V.Teresa
9. WB. Manners
10. Kalvary Krosngia Hlychho
11. N. Beikypacharôna 12. Damary P. Hlychho
13. H. Beirasa
14. T. Samary
15. Joseph Mathipi 16. FC. Lalmuankimi
17. James Lalremruata
18. Velory Solo
19. Zoduhawma
20. H. Beihrotha
21. H. Sawma
22. S. Beihruasa
23. Johnson Hlychho
24. Zohmangaiha Syhly
Choir Conductors:
Conductor : FC. Minela
Asst Conductor :
1. WB. Manners
2. N. Beikypacharôna
*E.C.M. K.T.P HQRS PAHNOKHEINA*
Hlapy ta a vaw duah ta kô 2005 E.C.M. Hqrs Executive Meeting Tipa ‘V’ liata Maraland Outreach Choir pahnokhei awpa ta Agenda a ngiapa cha Pahnokhei awpa ta apyhpa a châ. He tawhna heta su nano râh nanopa liata chakaona hnei pazi lymâpa a châ.
*“GOSPEL OUTREACH MINISTRY” MOH A VAW PIHNA.*
Ryhpaoh leina nata rairunazy vâta Maraland Outreach cha pachhâsapa vaw châ hata, Daihtizy vaw sie ta, Maraland Outreach members zy ama hmôpakhy châhta Mararâh ta Krista Pachhana thâtihpha a dao tawhta kô zakha Maraland Gospel Centenary (1907-2007) kaw tlô daihmâ ha bâ ta Ministry pitlohpa a y siânô leipa he pachâ peimawh kaw ta. Chakaona lâpi a kawh viapa pahy n’awpa châta Ministry padua awpa ta hmah la suh vy tahpa ta reih pahmao tyhpa a châ. Thlahchhâna chôta pachâ pazi lyma pata hmah lapa a vaw châ tawhta Maraland Outreach member zydua hleikhô ta Rev. K. Beisa, Rev. Chhuakhu Khithie nata PP. Zalena zy chhao ta Dt 5th Nov, 2006. Macha S.Laihly O, New Colony Siaha liata a hmaoh pakhypa ta vâro reih pahmaohpa a châ tawhta ‘Maraland Outreach’ tahpa cha ‘GOSPEL OUTREACH MINISTRY’ tahpa ta moh thla pa a vaw châ haw.
Motto châta *“Anywhere With Jesus”* tahpa hmâhpa châ ta, Chhihthatuhpa châta He nahzy he atlypâ pa ama châ:
1. Director : S. Laldinthara
2. Asst Director: FC. Minela
3. Secretary : Nixon P. Notlia
4. Information Secretary : J. Rahmo
5. Finance Cum Treasurer : K. Minary
6. Conductor : S. Peter
Musician : H. Beirasa
7. Senior Advisers : (1) Rev. K. Beisa
(2) Rev. Chhuakhu Khithie
(3) Kmc. PP. Zalena
*Members:*
H. Sawma
H. Beihrotha
Johnson Hlychho
C. Lalengliana
FC. Ramsiamliana
Andrew
Deborah Syuhlo
Kalvary Krosngia Hlychho
V. Teresa
Genevieve
C. Lalramhlunmawii
*AIMS AND OBJECTS:*
He Ministry hmo chhuahpa(Aims & Objects) cha he ary liata palâsapa hawhta a châ.
1. Pyungiapa (Music) hmâh pata Khazohpa reithai palyupalih.
2. Pyungiapa (Music) hmâh pata Thyutlia leidia haipazy pachhana rai hriapa.
3. Chyhsa rairupa nata bao ângiahpa maih, pathluana hnei leipa ta theina hawhta bao lymâ pa.
4. Eima khihtla nata râh pha n’awpa, pathaih n’awpa nata âsosâh n’awpa ta theihna zydua papua.
5. Eima râh thyutliapazy ta ngiapâna kyh liata hmah ama sie via lymâ theih n’awpa ta hma la lymâ pa.
7. Eima râh liata thyutliapazy hrozie dopa pachu pa.
8. Media hmâpa ta Krista Pachhana Thâtihpha Khizaw zydua liata chho awpa.
9. Politics pualeipa/Pathai leipa liata a hniahni lei awpa.
*GOSPEL OUTREACH MINISTRY KIDS:*
Dt 12th April 2007 liata meeting liata Khazohpa reithaina hla sa nota lâ (Choreography) awpa ta nata Hawtipa zy ama phana lymâ hawhta chakaona rai ama hria thei nawpa ta Lâpi pahypa châ ta, Member hmiatuapazy cha:
Sarainee
K. Ngohlaki
FC. Beihroki
K. Khairili
FC. Beihrozi
Sarah Lynakhaingia
Lincy
Pricilla
Rairuna hluhpi hry liata Hla ta Chakaona nata Hmopie pata chakaona rai cha a chalih leipa ta hria lymâpa châ ta, Khizaw hmasiena lymâ hawh ta chakaona siezie chhao baichha lyma pa a châ. Chakaonazy â icha via thei nawpa ta He hawhna heta Branch pachhaih pachhuahpa a châ:
1. Choir : He liana he ta Hla ta chakaona rai liata pahâh viapazy a sypahmaohpa ta chakaona hnei tyhpa achâ. Members 35 rachhôh ypa ta, Music Director mohôhna ry liata sie khei tyhpa achâ.
2. Band : He liana he ta Music pahâh viapazy asypahmaohpa ta, Soloist nata Choir châta abyuhna dâh hawhta chakaona rai ama hria tyh. Music Director mohôhna ry liata sie kheipa achâ.
3. Kids : Khazohpa reithaina hla eima sa nota lâ (Choreography) pata ama phana lymâ hawhta chakaona rai ama hria tyh.
4. Media :Hla nata Bie (Literature) hmâpa ta chakaona liata pahâh viapazy su paryhna a châ. Candle Monthly Magazine mohôhpa ta Editor - in - Chief ry liata sie kheipa a châ.
Magazine ‘CANDLE’ Editorial Board châh ta he zy he raopa ama châ:
Editor in Chief : PP. Zalena
Editor : F.C. Chhuasa
Asst. Editors :
(1). L.D. Beihriasa
(2). L.D. Vabeihruasa
News Editors :
(1). Charles Dickson Hlychho
(2). Ricky V. Beiratha
(3) Teddy T. Lalnunrema
(4). T.Beithapha
Circular Managers : (1). Kalvary Krawsngia Hlychho
(2). Abikai Azyu
(3). V. Lalhlimpuii (4) S. Lalhlimpuii
(5). HC. Lalnundingi (6). K. Dawdaw
(7). V. Teresa
(8). K. Dancy
(9). Presley D. Khaihmeichhô
(10) N.C. Anusia
*GOSPEL OUTREACH MINISTRY CHAKAONA TLÂHPIPA*
Hlasa pata chakaona: Hlasa pata chakaona he Awnanopa nata khôtho lâ liata daihti eihhrâpa ama hmâna liata ryhpaona lymâ hawhta Khihchhôh nata khih khôtho lâ chhao hnei tyhpa a châ. Eima pôhpa ta atlô pha leina su liata Hla ta chakaona he rypaohna châta hmâpa ta Audio Cassette/CD, Video tao tyhpa a châ. Music album Audio Cassette/CD, Video taopazy cha:
1. Thlahpa Pahâna Râh - 2005 (Audio Cassette/CD & Video)
2. Chhiesana Tho kraws - 2007 (Audio Cassette & CD)
3. Dyhna Bei (Vol-1) - 2007 (Video)
4. Reithaina Byhnâzy - 2008 (Audio Cassette/CD & Video)
5.Dyhna Bei (Vol-2) - 2008 (Video)
6. Chakaona Pyungia - 2010 (Video)
7. Peirâh Thângiahna Video
8. Mara Christmas Hla Video
9. Tripuri Audio Album
10. Chakaona Lâthlô Video
11. Published "Sequel to Five Years in Unknown Jungle- Rev AB Foxall Lorrain
12. Pinô Vaili apakyna- Memorylane of Rev Violet Louise Anne Mark.
*A 100 Years of LPM Mission Missionary Bunglow & Pinô VAILI B DAY ALYNA*
Kô 2014 khata, Eima pahnopa hawhta Marasawzy châta khaihna vaw tlôkhei ta, zohna tawhta khaihna lâ maniah a chhituh awpata Krista thâtihpha vaw tlôkheituhpa Rev R.A. LORRAIN nata a chhôkhazy pahrâna O Lorrain Ville, Saikao cha kô 100 a tlohpa vâta alyna hneipa a châ. He hleikhô ta Missionary hnôchaipa Pinô Vaili (Rev Violet Louise Anne Mark) B*Day chhao marasaw a khohpa maih a hlao thei awpata alypa a châ hra. He daihti peimawh kawpa sanopazy he kychhi rôna kawpata alyna daihti a hmâhpa a châ.
Kô 2016 pata Pinô Vaili B*Day cha a special kawpata ama pahrâna o lia alypa a châ heih hra.
*ATAHMÂ TA GOM CHHITHANA RAI A HRIAHAIPAZY*
Director : P. Beingiaparona
Asst. Director : C. Beisa
General Secretary : LD Beihriasa
Asst. Secy : Lalremruata Khithie.
Finance : Teddie T. Lalnunrema
Treasurer : Presley D. Khaimeichho
Music Director : FC. Minela
Asst: C. Immanuel
Secy i/c Technical : C. Beirathie
Secy i/c Property : K. Vabeichhitha
Secy i/c info : Dickson Khithie
*Bietlâh pakyuna:*
He hawna heta Abeipa chhihthana vâta hriatuhpa nata member-zy khâpa hmah châ hra vei sala rairuna hluhpi hry liata Gospel Outreach Ministry cha sie hnolo lymâ ta, Ministry a châna hawhta chakaona chhao pakawh via laih lymâ awpa ta a chhuahpa nata hmah la ngâ haipa a châ. Atahmâ taihta maophyuh leipa ta a sie lymâ thei na chhâpa he chyhsa phahnai ngiahpazy thlahchhâ kheina nata member-zy âpiepasana vâta a châ tah lei theipa châ vei.
*_Eimâ ngiapâ lâhpazy nata Thlahpa lâta eima nôpawpazy saih u, he py heta nama thlahchhâ kheina â ngiah ngai ta. Hmialâ daihti liata thlah miah chhâ khei via lymâ ula, Chakaona nawh raih kawpazy byhnâ a pie tyh tuhpa eima Khazohpa chata eimâ piepasana lymâ hawhta nata eimâ ngiapâna lymâ hawhta Gospel Outreach Ministry siepahliepa ta rai ahria lymâ aw tahpa khâchâ eimâ ngiapâ_*.
*Anywhere with Jesus*
*REITHAI TLÂH KHAZOHPA, CHAKAO TLÂH KHAZOHPA CHA REITHAIPA TA KHÂ Y LYMÂ MAW SY, AMEN!*
Comments
Post a Comment