ZYHNO HIGH SCHOOL TEACHER PUPA TT PAWLA PENSION PATHLIENA - HLAO HNEI LEIPATA PACHU PAZAO AW
*HIGH SCHOOL TEACHER PENSION TA STUDENT ZY NGIACHHIENA VÂTA A SAI PATA PACHUNA RAI PAZAO AW*
Târi noh 29th March, 2019 khata Zyhno Govt High School teacher Pupa TT Pawla supernuation pension ta târi noh 31st March, 2019 pua awpa cha Zyhno Teacher Association (ZTA) ta pathliena ama hnei. Pupa B. Vahnei, President ta chhitha ta, Rev M
Beipiesa Mihlô, Zyhno biatuhpa ta daihti pavaosana a hnei. Pupa Pawsa Solo ta ZTA vyuh pata biereina hnei ta, LD. Vabeihruasa, President MSO Gen Hqrs nata Pupa S. Thalo, teacher pensioner zy hleikhô ta Pupa TT Vakhu nata mohropa chhao biereina pha kawpa ama hnei chyu hra.
Pupa TT Pawla he kô 1982 tawhta Zyhno High School liata Rs 300/- ngâlâ hlao pata private lia vaw pachu pathao ta, kô 37 tlai pachuna rai a vaw hria tawhta sawkhâ dâh hawhta pension daihti a vaw tlô haw. Ano he pachuna ky liata phahnai a ngiah kawpa nata tiama kawpa châ ta, a raihria liata chysa ngâchhih kawpa a châ. Ano student tawhta Class- X exam liata First Division a passed theipa cha alyna pamosa nawpa ta BA taihta a vaw chy ha hra. Ano he Zyhno MSO Branch nata Tipa MSO Sub Hqrs tawhta palyupalina Best Teacher Award vaw dao ha ta, MSO General Hqrs tawhta chhao kô 2016 khata Best Teacher a vaw dao ha hra.
Zyhno Govt High School teacher 3 liata pano cha pension ha ei ta, teacher pakha ngâlâ ta School he siekhei thaipa a châ leipa vâta khitlâh kypachâna ta Pupa TT PAWLA nata Pupa S. CHHÔCHAI zy cha sawkhâ ta teacher hropa a pie hlâ zydua cha a saipa tlai ta pachu chy awpa ama chhuah. He hawhta School teacher zyta student zy kypachâna ama hneipa he reithaitlah châ ei ta, pasâhsa ama chhi hmeiseih.
Pupa TT Pawla he pachuna ky lia dei châ lei pata sports lâchhâ chhao hniehnô pha kawpa a vaw hnei. Mawrâh High School Sports liata Tipa zone vyuh pata Zyhno Govt High School Women Volley Ball team cha Mizoram Champion trophy a vaw lakhei ha hra.
He pathliena daihti liana heta Vao nata Seitôhpa thie pata kychhina taopa châ ta, a hlaopa chhao ama hluh ngaita kaw.
Târi noh 29th March, 2019 khata Zyhno Govt High School teacher Pupa TT Pawla supernuation pension ta târi noh 31st March, 2019 pua awpa cha Zyhno Teacher Association (ZTA) ta pathliena ama hnei. Pupa B. Vahnei, President ta chhitha ta, Rev M
Beipiesa Mihlô, Zyhno biatuhpa ta daihti pavaosana a hnei. Pupa Pawsa Solo ta ZTA vyuh pata biereina hnei ta, LD. Vabeihruasa, President MSO Gen Hqrs nata Pupa S. Thalo, teacher pensioner zy hleikhô ta Pupa TT Vakhu nata mohropa chhao biereina pha kawpa ama hnei chyu hra.
Pupa TT Pawla he kô 1982 tawhta Zyhno High School liata Rs 300/- ngâlâ hlao pata private lia vaw pachu pathao ta, kô 37 tlai pachuna rai a vaw hria tawhta sawkhâ dâh hawhta pension daihti a vaw tlô haw. Ano he pachuna ky liata phahnai a ngiah kawpa nata tiama kawpa châ ta, a raihria liata chysa ngâchhih kawpa a châ. Ano student tawhta Class- X exam liata First Division a passed theipa cha alyna pamosa nawpa ta BA taihta a vaw chy ha hra. Ano he Zyhno MSO Branch nata Tipa MSO Sub Hqrs tawhta palyupalina Best Teacher Award vaw dao ha ta, MSO General Hqrs tawhta chhao kô 2016 khata Best Teacher a vaw dao ha hra.
Zyhno Govt High School teacher 3 liata pano cha pension ha ei ta, teacher pakha ngâlâ ta School he siekhei thaipa a châ leipa vâta khitlâh kypachâna ta Pupa TT PAWLA nata Pupa S. CHHÔCHAI zy cha sawkhâ ta teacher hropa a pie hlâ zydua cha a saipa tlai ta pachu chy awpa ama chhuah. He hawhta School teacher zyta student zy kypachâna ama hneipa he reithaitlah châ ei ta, pasâhsa ama chhi hmeiseih.
Pupa TT Pawla he pachuna ky lia dei châ lei pata sports lâchhâ chhao hniehnô pha kawpa a vaw hnei. Mawrâh High School Sports liata Tipa zone vyuh pata Zyhno Govt High School Women Volley Ball team cha Mizoram Champion trophy a vaw lakhei ha hra.
He pathliena daihti liana heta Vao nata Seitôhpa thie pata kychhina taopa châ ta, a hlaopa chhao ama hluh ngaita kaw.
Palo lei apachhi dy.. Na pachu tly lei chhore😊 ava pachu pazua thei awva la law achhi sua
ReplyDelete