Marahistory

Siaha 29th April, 2019: USA Marasaw Meeting biepathlupa Minute Secretary record... Dear USA Marasaw zydua, Nama tlakhai awpa ta hnabeiseina ei hnei. Acho bietla nata azao pata MCC-USA (2016-2019) chho Center Executive Committee meitei ei(7)na cha nama zydua thlachha kheina vata tlatlo kaw pata patlo hawpa a cha. Meitei tao nawpa su O chhi mania pahypa tupa Maryland Branch liata a ypa Marasawzydua cho liata eima chaly hmeiseih. Meitei avaw hlaopa zydua chata Nochho pati paha kawpa dokhona chhao mania ama hneipa. MCC-USA ta ama taophana cho liata eima ly hmeiseih. Meitei bie pathlu pazy attach file liata vawmo bie mu vei. Nama dychei haipa Pp. Sichho Mara Community Committee – USA (2016-2019) Ei (7) Na Centre Executive Committee Meeting A Su : Meeting Room, Mara Community Church, Maryland Branch Daiti : Pachawh 27, 2019. My daw 9:00 - Za daw 6:00 Malu :  Mo (23) Pachiapa agenda zy 1. Zawpi hlasa na hnei khai tawta Pupa.Bietei thlachhana ta Meitei pathao pa a cha. 2

BETHESDA KHP Member 120 rachhôh ta râhmâhpa lia cheingei pazu pavaw nata râh hmâhpa pabosa pachuna ama hnei.  Siaha 29th April, 2019: Atanoh liana khata Bethesda KHP member 120 rachhôhzy ta eima râh liata pazu-pavaw nata râhmâhpazy pabohsa a peimawhzie a pachuna râhmâhpa su lia cheingei ta ama hnei. He hawhpa a pachuna he zâkô lâ liana chhao khata vaw hnei ha chiehpa a châ. KHP he ECM Awnano ry liata hawtipazy py moh châ ta, Krizyhpa Hawti Py (KHP) tahpa ta moh phaopa a châ. He daihti raohpa heta pavaw bu zy taopa ta sopa châ ta. He hleikhô ta, KHP zyta pazu-pavaw nata râhmâhpazy pabohsa awpa ta bie amâ taihna poster zy taopa ta road-side plantation liata tawh lymâpa a châ hra.       Atanoh ta daihti amâ hmâna lia heta MADC Forest Dept tawhta FRO zy tawhta pachuna zy za hnei hrapa ta, he hleikhô ta, refreshment nata baona zy chhao ama piepa vâta Bethesda KHP Leader nah zy chhao ama ly hmeisei hra. Bethesda KHP he ECM Bethesda Local Church ry liata Fellowship sâkha c

* Lytai BSNL Office cha CYLA ta ama khaw * Siaha, tári noh 29th 2019: Lawngtlai BSNL he ama service chôchâh liata Central YLA zy ama kho a khi leipa vâta atanoh kha daihti taipa hnei leipa ta BSNL office cha CYLA zy ta ama khaw. Central Young Lai Association nah heta Lawngtlai BSNL network chhie kawpa cha tha patlô via awpata hmialâ tawhta hmalana vaw siekhei ha ei ta, ama office zy pakhawsa pata agreement zy chhao ama vaw taokhei ha hra. Châhrasala, atanoh taihta hmasiena hmiathiehpa hmô awpa a y leipa vâta atanoh liata Lawngtlai BSNL  Office he CYLA zyta ama vaw khawpa a châ. Biedaona dâh liata cha hmialâ hawhta hmasiena y tuah lei pata aryhna tao heih awpa a chhuah khao leipa ei ta, hmasiena hmeiseihpa a y thei awpa a châ ti ngâlâ ta BSNL Office he pahysa ama chhuah tahpa ama palâsa.

*47th District Council Day liata Puhpa N. Zakhai, Hon’ble CEM, MADC Bietapa* Ahmiatuata Mara Autonomous District Council Day ei 47-na (29 Pachawh, 1972 - 29 Pachawh, 2019) eima vawtlô theipa vâta Mara zawpi zydua MADC Day 2019 anaohna  Samaw ei cha hlâ ei. Atanoh he Marasawzy pi ta he Mara Autonomous District Council  châta avaw hriapasatuapazy, eima Chi nata Pho thapasapa nata kyh pachâpa ta keih avaw chakâ lymâ tuhpa zydua my leipa ta khâ eima thei awpa apeimawh ngaita. Mara Autonomous District Council  he târi 29th Pachawh 1972  pa liana khata hmôpa châ ta, chatana chata atahmâ he 11th Term MDC, MADC ta a chhihtha haino a châ. Chyhsa zydua châta byhnâ châ khai thei hravei sala, MADC heta Marasawzy châta byhnâ hluhpi atlôkhei lymâ. MADC kô 47 chhôh avaw sie hapa liana heta eima râh châta hmahsiena thata tlôkhei ta; Marasaw eima vâhnei zie nata Abeipa ta kyh maniah a pachâzie he pahno thaipa ta, eimâ ly ngaita awpa a châ. Ahy hriapasana nata novâhna tlyma, siana nata th

THE STATEMENT OF THE 47th GENERAL CONFERENCE & ELECTION, SABYHPI (18 April, 2019) 1. Chief Guest  : H.E. Pau Lun Min Thang (Minister of Social Affairs, Chin State  Government) 2. Guest of Honour  : C. Laiki (Former Chairman, MSA Centre) 3. Guest of Honour  : Rev. Dr. Zakha (Patron, MSA Centre) 4. Paper Present pietuhpazy:  1) C. Laiki (Former Chairman, MSA Centre)  2) Rev. Biekheisa (AGS, BAM)  3) Pro. Pastor Sikhei (Lecturer, LTC)  4) Rev. Bielawkhai (Secretary, KTP, MEC)  5) Dr. Sakie (Dy CEO, Health and Hope Myanmar) 5. Delegate ta a hlaotheipazy:  1) MSO General Headquarters, Siaha  2) MTP General Headquarters, Sabyh  3) BAM, Office, Ngephepi 6. Vocalist/ Singer:  1) Paw Dane, Satu Ngephe  2) Paw Vaneicho, Ngephe Sizo  3) Fie Fiezange, Sahmi  4) Fie Masi B Hrasai, MSO  5) Paw Dane, Maraland Idol, MTP  6) Paw Vabei Supathai 7. Ei (47)na MSA General Conference & Election cha Sabyhpi khih liata Pachawh 13-19, 2019 taih hlaotloh kawpa ta hmâpa a châ.

MARY PAZÔSANA TLÂH He su he Maryh Pazôsana Tlâh ama tahpa su châ ta, Nochhi Mararâh Lialaipi khih kiapâh liata ypa a châ. He tlâh he baikha lâta lôkâhpa, a mo phapa nata a ngia kawpa châ ta hiakha lâ baikha lâ deikua a chô liata lôphia km 1 pi tlai a seihpa a châ. A su he pawchhapaw kô hluhpi y ta, cha liana chata Mararâh pangiasatuhpa maitô paw sai ta a bi thla ha. Lôpanô chô liana heta a moh phaona chhâpa pazô ti a lohna hnie y ta, he liata a pazôsatuhpa cha lyurâhhripa Maryh ama tahpa, pohrao pha kawpa he a châ. He su he Lialaipi khih kiapâh liata y pa châ ta, a tlâh thaby taih heta motor sie thei ta, phei ta siena he ft 50 dei ta a châ. Thlihua zili pathaih kawpa pathlina su a châpa vâta apahâna su pha kawpa a châ. Va tly hra tuah rai mah y.

Pupa Bruce K. Vabeihrokhai, MPS ta vâduana hry liata a duty patlôsa awpata ahawna a tao. 25th April, 2019 (MHT): Marasaw Police Officer Pupa K. Bruce Vabeihrokhai cha a sietanô Pinô K. Heleni cha târi noh 23/4/2019 khata a vaw pahâsai ha ta, châhrasala chhuti hia lei pata a duty patlô lâlao awpata pasaina tlao a hia. He chôchâh liata ama hyutuhpa biereipa he pasâhsa a chhi ngaita kaw. Pupa Bruce zy hyutuhpa Pupa J. Lalthafamkima ta Mizo Special Group Facebook liata he hawna ta bie vaw post ta.. Pupa Zoliana Ralte ta Mizoram SAP zy Bengal ama siena thâtih (Mizo Special Report lia) ei post a vaw comment-pa, "Record pha za hnei awpata khokheina ei cha hlâ ei" a vaw tahpa kha Khazoh pata hlao a vaw patlo pata ei pahno: Zâhnia (23.4.19) khata eima Assistant Commandant Pupa Bruce K. Vabeihrokhai, MPS, atahmâ ta Bengal liata Company Commander a châ haipa cha a uta Pinô Heleni ECM Hospital Siaha lia a paha tahpa va chho na ta, WhatsApp lia na vaw reply-na bie he ei palô na

Pupa K. Chhuabei, EM PWD MADC ta Vahia Khih Kô 100na Centenary Alyna cha Chief Guest ta a hmahkhei aw ei.  24th April, 2019: Vahia khih Centenary alyna cha 24th - 26th April, 2019 pata hnei awpa cha ta, Atazâ dawh 7 tawhna heta Vahia daihti a hmah pathaopa a châ aw. Ataza he kô 100 tlohna pahyna nata Abeipa lâta alynabiereina daihti a hmâh aw ei ta, Biatuh Pastor Rev S. Beihruasa ta pavaosana daihti a hmah aw. Zawpi thlachhâna ta Abeipa la alynabiereina hneipa châ aw ta, Rev George B Solo nata Rev N. Beihruakhai zy ta pasyuna biereina ama hnei aw. Mylâ he Centenary Chief Guest Pupa K. Chhuabei EM PWD MADC ta Centenary Lôbô, Gate nata monument hropazy pahyna hnei pata lao nata sa ta kychhina hneipa a châ aw. He Vahia khih centenary he nohchhô nata a zoh lâ zy programe pha kawpa pachhuanohpa châ ta, marasaw a hlao thei awpa maih a hlao chyu awpata ama hrua pah hra.

*MSO STUDENT Hostel Admission* MSO Student Hostel, ECM Vaih : Siaha Academic Session (2019 - 2020)  thiehpa châta Hostel Admission pahypa a châ haw. 1. Admission Fee : Free 2. Monthly Fee : Rs.3000/- PM 3. Security Deposit : Rs. 500/-PA. 4. Application form he Achuhaipazy Opi (Gen HQ Office) liata apado thei aw. ✍🏼 MSO Student Hostel he Puhpa TT. Vakhu, Building ECM Vaih liata taopa a châ. HQ's ta amohôh haipa a châ. ✍🏼 Achuhaipa riethei viapa nata Siaha Khichhôh liata chhôhkha sanawh liata y na a hnei leipazy châ khokhei viapa  ama châ aw. Issued by : MSO Hostel Managing Board, Gen.HQ;Siaha

Video: Mara Comedian Search 2017 Winner Video Mara Comedian Search Season 2 cha pathaopa a châ heih aw.   MARA COMEDIAN SEARCH 2019 SEASON 2 ( *Marasaw nie khia nie kho, do khia do kho; aly khia aly kho, pahnei khia pahnei kho*) Mara Comedian Search 2019 cha târi 03.05.2019 tawhta heta pachhuahpano hei awpa a chhuah pita, Marasaw pahnei saiso a tao thaipa khih/vaihto tawhta ahlao theipa a châ aw ta, kô bitaipa y leipa ta chanô chhao chapaw chhao ahlao thei khai aw. Nama liata khazohpa ta theina/thaipatluapa a chapiepa rôhna kawpa mohropazy palysa ta pahneisa theituhpa na châna kha a nyu khei leipa ta na chi hei marasawzy palysala, pahneisa cheingei aw pata he Mara Comedian Search 2019 Season 2 liana heta ataopasuana lia vaw pua cheingei hra ma y. Application Form he NSV Studio, New Colony liata apado thei lymâ. sd/- (Beihlaotlo Syuhlô) Seacretary maraland Entertainment Group. Siaha

LIALAIPI KHIH THÂTIH CHYUPA Lialaipi khih he Nochhi Mararâh liata cha khihpi chaipa châ ta, Matupi Township, Chin State, Myanmar liata a ypa a châ. Odyh he 450 rachhôh y pata chysa apahrâpa maluh he 1700 rachhôh ama y hai. Lialaipi khih he Nochhi Mararâh liana cha a lia khophie chaipa liata a ypa a châpa vâta sievawna chhao lathlô chapia hluh chaipa a châ. A chyss a pahrâpazy he Zyhno chi châ ei ta, chysa reika chyhpa ama châ nota raihriana kyh liata chysa tiama kawpa ama châ. Lialaipi khih peimawhna: Lialaipi khih liana he Awnanopa nata sapa liata chysa nôpaw peimawhpazy pua tuahna a châna hawhta atahmâ chhao MEC HQ yna supi chaipa a châ. Town piepa ama châna hawhta MYO liata a laichaipa Administrator Office nata Qrtrs zy chhao a y khai ha hra. Cha dei châ lei pata, Myanmar Pheisaih nata Police zy supipa chhao a châ hra. Achuna lâ liata Primary tawhta High School taih achuna y hai ta, University / College padua awpata hmala haipa châ ta a su zy chhao liahsa reserve khaipa a

*KÔ 2014 tawhta Mara Châbu apuapazy* ~HC Malsawmthanga, Secy, Mara Writers Club, Siaha Kô 2013 khata FC. Chhuasa ta District Library Siaha liata Mara Châbu nata Magazine/Journals ypa zydua zôpha kawpa ta va chathlia ta, Mara reih châbu zydua cha 29 a châzie a palâsa. He lia heta Magazine, Souvenir nata Journals zydua â hlao khai. Mara thâtih nata Marasaw ta reih hropa ta ama ropa bu 4 a palâsa hra. Châbu mohzy taihta a pahripaziah khai. Kô 2018 Phiata lia khata 'Mara Literature LIVE Talk Show' liata Panelist ei châ hra vâta District Library Siaha he va tly hra na ta, Mara reih châbu zydua ei va chathlia hra. He hawhta a châ: 1. Mara reih ta Châbu (Magazine, Souvenir, Journals, Hlabu, Biehrai, Booklet reipâ khaipa ta) zydua cha 104 a châ. 2. Mara thâtih nata Marasawzy ta reih hropa ta ama ropa châbu - 8. 3. Châbu 20 hlei cha Gospel lâchhâh châbu a châ. 4. Châbu 15 rachhôh cha Magazine, Souvenir, Journals etc a châ. 5. Châbu 10 rachhôh cha Booklet, Bible

MSA Gen Conference 2019 Sabyhpi liata Mara Cultural Dance "Sâh-ia Lâ" ama pamosapa a châ. He Lâ he MSA Gen Conference liata ataopasuana lia Râhri MSA Branch zy ta ama lâpa a châ. MSA Branch nano nanopazy ta ama lâpa Sâh-ia Lâ he kaokâh chyu liata a chyhta a vaw nano khai lai ha ta, a hlabiepa nata a tlâhpipa deikua a lyu khai rô tah thei awpa a châ.

47th MSA Gen Conference 2019, Sabyhpi liata târi noh 13-18 april, 2019 hneipa cha Notlah Mararâh lia hlasathai thyudyupa Laisa Masi B Hrasai ta zawpi a palysa hleikhô ta, MSA Gen Conference hlaopatlotuh chaipa pakha a châ. Ano he Vahia khih laisa châ ta, atahmâ he Siaha Govt Higher Secondary School, MSO Branch liata Assistant Gen Secy chakaona raihria haipa a châ. Atahmâ no he Class-12 Science result ha hai ta, daihti ruapa a hneita no a châ.

Mizoram PWD ry liata JE(Civil) Written Exam lia Marasaw pa 3 tloh AIZAWL, 19 Pachawh, Chutynoh(MNN) - Mizoram Public Works Department(PWD) ry liata Junior Engineer (Civil) rai 15 rua ta, zâhkô November liata MPSC siepahliepa ta manôh 185 zy ta Written Technical Competitive Examinations ama hneipa a châ. He Written Exam  he zâhnia liata Result papuapa châ ta, Interview awpa ta atlohpa manôh 30 liata Marasaw manôh pa 3 amâ hlao; ary liata Marasaw atlohpazy ama vaih/khih moh zy palâsapa a châ:- *1. John L. Ngohmo* S/o L. Vako New Colony -IV Siaha *2. Khotha Jothyu * S/o J. Chatlai Saikao *3. L. Nehemia * S/o L. Lepai Chapi-I Târi 8th & 9th May, 2019 at 10:00 a.m. liata Personal Interview hnei awpa a châ. Marasaw atlohpazy palôh hmeiseihpa ta alykhei pi ta, Personal Interview chhao ama siepahlie cheingei thei n’awpa ta khokheina sâh chaipa eima â. (Admin, MNN)

KHAPA VÂTA RAIRUNA A TYH PATLUAPA E EIMA CHÂ? MSO Gen Hqrs tawhta 47th MSA Gen Conference, 2019 Sabyhpi lia a hlao aw pata eima siepa cha la kô hro hawhta eima lâthlôh palâ tu vei. East Maraland liata a pahrapazy nata akaona daihti he ei 4 tlai vaw sie papua ha nata atahmâ lia deikua daihti hropa nata a vaw lyu lei kaw ba.. Târi noh 13th April pata Siaha tawhta  Pik-Up seat double chi kia pata a thao pita, Sabyhpi tlô chyta liata eima motor engine oil chamber parao tlamawpa vâta rairuna thata hnei pita, a zoh tawhta vâsâ ta Sabyhpi eima ngia. Târi noh 17th April pata Sabyhpi vaw puasai pita Dawlei (Teikua?) khihchhôh lia eima râ ngakaw nota motor cha steering control thai khao lei awpa ta a vaw rao ha heih. Vâro tlai eima buakhei tawhta vaw sie thei heih pi ta, Chapi khih eima vaw ngiapa cha motor engine oil a chyh kawpa vâta sie ngâhpa châ khao vei. Vâro tlai buakhei heih pita vâsâ ta ta eima pua thei tawhta Zyhno khih tlô chy Tisi chavah liata engine oil cha liahsa a kua

 MSA Miss MSA GC UPDATE: ATAKÒ MSA GC EI-(47)NA LIATA MISS RESULT: MSA MISS (2019-2021) 1.Moh-Fie.Rebecca kheinò  Paw moh-Mc.Letló  Khih-Sabyhpi  Branch -Yangon Msa  A chuna-  LLB(4 year)  Tahmà yna su- Yangon Miss First runner up 2. Moh- Fie.Ngosi-e  Khih- Sabyhpi  Branch - Sabyhpi Msa  A chuna- B.A  Tahmà yna su- Mindat Miss Second Runner Up 3. Moh- Fie.Ngopawkhai  Paw moh- Dr.Khaivatha  Khih-Sabyhpi  Branch-Sabyhpi Msa  Achuna-B.A(Honours h-3)  Tahmà yna su-Magway Chàpaw mister 1.Moh- Paw.Zawsi  Khih- Lelai  Branch - Lelai Msa Chàpaw mister chóchah he thlai ta vaw upload eima vaw chhuah aw... Biehnawh:MSA SABYHPI BRANCH

MADC Education Dept diathlapa vâta student 30 hlei daihti pahleipa ama châ thei ma? 7th April, 2019: Zâhnia târi noh 6th April, 2019 pata Siaha JNV SIKU liata a kia awpazy cha Admission test exam cha Beulah School, New Siaha liata hneipa a châ. He liana heta candidates 175 rachhôh cha exam thei awpata Central lâ tawhta moh list papuapa châ ta, cha nota exam awpata a thaopa student 35 rachhôh cha list liata ama hlao leipa vâta exam thei khao vei ei. He vâna heta MSO Gen Hqrs chhithatuhpazy cha thâtih a chu pasia awpata a su thlai pangai ei ta, hmoh y zie za ama pahno tawhta student nôpawzy hnohta biesiapa ama pahnosa pah ha hra. He admission test he zâkô 2018 december liana khata online ta application form he fill up awpa châ ta, thokha a sia hlia kaw nota thokha deikua hnabeidy kawpata o lâ ama di pakhua. Exam awpata a thaopa 30 hlei ta ama exam thei leina chhâpa Principal JNV, Sihtlangpui ta MSO Gen Hqrs chhithatuhpazy hnohta a vaw reipa cha MADC Education dept sie pahlie pata

MARA COMEDIAN SEARCH, 2019 CHA THLAI TA PATOPATIAPA A CHÂ HEIH AW. Marasaw dei châ lei pata chihropazy taihta mopha tahpa ta ama ly-ua kawpa Mara Comedian Search cha a ei 2na pathao heih awpata, atanoh 5th April, 2019 khata Maraland Entertainment Group (MET) nôpawzy ta a tyupahmaona ama hnei.  He atyupahmaopa liana heta Mara zawpi tawhta ahawna reika thei awpa a hluh kawpa vâta Mara zawpi châta Marareih ta Saiso ataopasuana hnei heih awpa cha lôrao kaw pata pathlupa a châ.  Judges nata Host tuh awpazy chhao a ualua châ heih awpata hnabeiseihpa châ ei ta, daihti rei leipa liata amo chhao adaona thlai ta hnei a chhuahpa a châ hra.  Mara Comedian pasôtuhpa nata a châhtuhpa zydua hnabeidy lei pata vaw ha chy u la, he tawh daihti rei leipa lia thlai ta namo châta mo thei awpata pathaopa a châ ha heih aw. Mara saiso thaipazy atahmâ no tawhta a vaw pato patia u la, form pangia nawpa nata ataopasua pathao nawpa daihti cha thlai ta biesiapa papuapa a châ aw. Mara

*SIAHA LIATA PETROL NATA DIESEL DUASU MOH PASIANA HNEIPA A CHÂ* Siaha AOC heta Petrol nata Diesel zy he dâh pasai leipa liata ama zuah tlai ma? 4th April, 2019: Siaha petrol nata diesel chôcháh liata khiliah liata biethâ a y tyhpa vâta Târi noh 1st April, 2019 khata Siaha Magistrate nata Legal Metrology Dept pakao pata a zoh dawh 7 pa liata ei khapi moh pasiana (surprise checking) hneipa a châ. Magistrate la tawhta Pupa Ngulzathuama, Siaha SDC nata Legal Metrology dept tawhta Ld Vabeihruasa, Inspector, Legal Metrology, Siaha zy ama châ. He liana heta Siaha AOC tawhta Petrol nata Diesel quality zy he Density thliepa tawhta moh padopa châ ta, density a hliena he petrol liata 0.6 nata diesel liata 0.5 a châ. Sawkhâ pasaina permissible limit -3.0 to +3.0 chhôh a châna hawhta Siaha Petrol nata Diesel (0.6 & 0.5) zy he duasu pha kawpa liata a duah tah theipa tlao a châ. Cha hleikhô ta, Petrol nata Diesel pie papuana dispensing unit chhao moh pasiana hnei heihpa châ ta.

 Pupa Beilaizi Bohia ta Palâhána a hnei Zahia tari noh 1 April 2019, 7:00pm liana khata Zyhno Centenary 1919 - 2019 Calendar & Logo sticker cha Zyhno Trafic point liata arônah kawpata releasepa châta he release prog he Centenary awareness campaign châta hmâpâ pa a châ. He prog he Puhpa ST.Selua Chairman Zyhno Centenary Board ta chhihtha ta.. Calendar nata Stickerzy he Zyhno Bôhia Bei thisaih asie lymâpa Puhpa Rachhua Beilaizi Bôhia ta, Zyhno, Heimâ, Lialai (Zyhno chi) zydua oto liata tawh thei awpa nata Sticker chhao 2&4 wheeler liata tawh thei awpata a palâhâ. He daihti liana heta Zyhno zawpizy aki phakaw eita, Evan.HC.Notha ta devotion hneita.. Puhpa TT.Vakhu nata Puhpa VT.Lysa zyta biereina ama hnei. Zyhno laisa artist nawhzyta zawpi miah palysakaw eita, daihti phakawpa eimâ hmàh khai tawhta Machâ TT.Puatu ta thlahchhàna ta daihti miah akhawpa.. Zyhno Centenary he tari 18-20, December 2019 liata ahmâh awpa a châ aw.. Next liata Centenary poh, Th

Sawkhâ ta Saw pachhâsana policy tao ta, Khazohpa ta a pyhkhei vei. Rev.Dr.M Zakonia, Former ECM Moderator,                                  N.Siaha Biehmia: Kô 2014 KNP Diamond Jubilee a thei thlahna châta Zyhno KNP ta souvenir ama pachhuahpanohpa he a lypa a châ ngâsâ. Bie ta a chho tiah awpa a châ leipa khizaw hmasiena a cha tlôpa liata hmo phaleipa chhao chatlie ngâsâ pata chi pho nata Awnanopa liata a vaw tlô lymâ. Cha liata a rarôh y chaipa cha paritheipa ta miah a paraopa hlâta hawsaih a pih khao lei awpa ta a pachhâsana nata nawhparaona he a châ.  Chavâta, châbu liata ropa ta moto ta rei chyu awpa ta article ro awpa ta eina hmâhpa ei he â ly ngâsâ nata Khazohpa chhiesana tawhta abohna lâthlôh eima chhih pathao pata ei pachâ. Atahmâ he a tôtlâh ngâlâ ta eima laichadai aw. Bible pachuna: Athaona 1:28 liata Khazohpa ta chyhsapa chanô nata chapaw ano lyu rairiepa ta rônah kawpa ta tao ta, hmotao hropa zydua hlâta rônah viapa ta a tao, ama ytu khihsana awpa chhao ry