Marahistory

MHS 30th Sept, 2019: Atanoh my dawh 10 pata MCHP HQ ta ama chanô heih chô liata hmoh tlôpa khohleina ama palâsa. *PRESS RELEASE PAZAONA* Eima chanôheihpa hmo â tyhpa kyh vâta MCHP (H) hmalana zydua, Siaha District chhôh  liata Chanô NGO : LWA Sub Hqrs nata MHIP Sub Hqrs zy, Awnano nano nanopa nata veiseih py lai chaipa MTP (H) students body lai chaipa MSO (H) hleikhôta Py nano nanopazy chhaota palôh tlokhuta maniah amâ pyhkheizie eima hmô nota eima thlalôh hmeiseih ta eimâ ly ngaita kaw. Lalhmingthanga hawhta palôhru pihpasipa nata pasichhihpa hawhta mohropa ama y heih tlamaw aw tahpa avaihpa ta chanôzy chhao asosi ta avaih chyu awpa ta eimâ pasyu. Lalhmingthanga Tialdawnglung khih puapa he â phuhna hawhta hriena pie awpa ta MHP (H) nata a hrialâhpa LWA, Sub Hqrs nahta MHIP Sub Hqrs Siaha zy ta biehneipatuhpazy hnohta ahawna taopa ta ama tlôkhei. Lalhmingthanga he MCHP(H) ta hrochhôh lô-o atâh tlâh a châzie nahta a tâh tlai sala tahpa hnabeiseih ta, hrochhôh atâh le

SIAHA KHIH Marasawzy khihpi chaipa Siaha na hmô mah leipa tlyma, na hmô leina a rei kawpa vâ chhao a châ thei hra. He video he vaw moh la, Siaha khih dei châ lei pata a chhôh liata hmohtaopa nothla nata video zy soh pakhypa a châ.  

ECM KTP Pakhypi, 2019 Tipa liata "Padua pathi suh vy" tahpa hla hmah pata mararâh doh nata hâ dei châ lei pata, Foreign la taihta miah charaotuhpa Gospel Outreach Ministry Choir zy ama sapa liata Solo part a satuhpa kha a châ, atahmâ "Apôkha bah ei suh" tahpa hla hmâh pata mararâh a chahry hai heih. MSO Best Teacher Award, 2019 raina lia live ta a sapa cha he a ry liata video he a châ. Atahmâ no he Mara Gospel Singer chyhta ngala hnei ba pi ta, cha hry liata a lâlua kawpa, ao nai zualua pata Abeipa reithaina hla a sa tyhpa eima hneipa cha Laisa Evelyn Azyu a châ. Ano he Meisavaih, Siaha liata a pahrapa châ ta apaw he Pupa Beimosa Azyu, MADC Officer raihria haipa a châ. Laisa Evelyn Azyu he Mararâh achuhaipa py eima ngâchhâ chaipa MSO liata Miss hmiatuah chaipa châ ta, laisa siapa nata hmipha kawpa a châ.  Laisa chhithai pah, hlasa thaipa hry lia hmata Abeipa reithaina hla cheingei a sapa he mararâh nohah pa-ysatuhpa tah lei theipa châ vei. 

*MSO GEN. HQ TA BEST TEACHER LYMÂ RAINA NATA TEACHER'S DAY HMÂH* Târi 06.09.2019 (Chutynoh) dawh 7:00PM khata MSO Gen. HQ, Siaha ta Mararâh liata pachutuhpa pha chaipazy palyupalihna nata Pachutuhpazy Noh alyna cha NSV Studio, New Colony liata ama hmâh. He daihti he târi 05.09.2019 (Pobienoh) ta hmâh awpah a châ taraw ta, Marasaw ta ryusôhpa a chyhta eima hneipa hry liata pakha Puhpa, A. Zakia, Padma Shri Awardee ta maniah â pahâsaipa vâta târi 06.09.2019 ta hmâhpa ama châ.  He palyupalihna nata alyna lia heta T. JB. Rona, GS, MSO Gen. HQ ta chhihthana rai hria ta, daihti pathaopa a châ hlâta Puhpa, A. Zakia taokheina daihti hmâpa a châ. Cha khai tawhta Rev. Dr. S.T. Zawsi, Patron, MSO Gen. HQ ta Abeipa lâta pavaosana daihti hmâh ta, pathaopa a châ. He Teacher's Day alyna nata Best Teacher zy palyupalihna liata Khichhai Laipa cha Puhpa, MH. Tiabi, EM i/c LAD, MADC châ ta, ano tawhta bie pha kawpa nahthliepa a châ. Khichhai Laipa ta a bierei tlâhpipazy cha, 1) Pach