Marahistory

TLAHNA CRUSADE MHS 13th July, 2019: ECM New Colony Local Church patopatiapa ta Siaha liata Tlahna Crusade cha Evan Frederick Lalrindika Speaker, Bethel Ministry chakaona cha târi 9th July, 2019 tawhta pathaopa châ ta, noh  14th July zâ taihta chakaona a hnei aw. Chakaona a thao zâ tawhta Abeipa Thlahpa Pathaihpa a pahlao lymâ ta chyhsa hluhpi ta sapa nata thlahpa liata tlâhna ama dao lymâ. Mochaopazy, bierei thai leipazy, sie thai khao leipazy nata pasana khiakhi kawpa a hneipazy hluhpi ta tlahna to pata Abeipa rônahna ama phuah lymâ. He Tlâhna Crusade he Siaha zawpi dei châ lei pata Mararâh pôpalô pata a hlao ei ta, district hro lâ tawh chhao a hlao pata tlahna topa ama hluh kaw. He hawhta Thlahpa Pathaihpa raihria zawzi ta sapa tlahna to pata chakaona he Mararâh lia a pi chaipa a châ tah thei awpa a châ. (He video he satlia panozy tawhta thlachhiepa a papua hai nopa a châ.)

MARA WRITERS’ CLUB PADUANA REPORT (Adhoc President châta Satlia F.C. Chhuasa) Daihti vâropi a khô hapa tawhta Internet nata thâtihbu siepahliepa ta a pahnosana eima vaw hmô tyhpa hawhta, saduthliena râh cha a hmeiseihpa râh lâta pachâsapa châpa ta MARA WRITERS’ CLUB cha zâhnia i.e. 14, Patô 2014 (Pakhynoh) zâlâ dawh 2:15 pa khata paduapa a châ haw. MSO General Headquarters, Siaha Office liata Marasaw châro apahâhpa nata Literature thapasapa manôh 21 tlai puapakhy ei ta, lôraoh kawpa ta py moh châta pahruapa Mara Writers’ Club cha apyhpa a châ. Satlia FC. Chhuasa (Convener) ta he atyupahmaohna he chhitha ta, H.C. Malsawmthanga ta Minute a roh. Apuapakhypazy ta lôraoh kawpa ta FC. Chhuasa, Convener, he py paduapa a châ thei n’awpa ta thapi vaw phia ta, vaw patohpatiatuh chaipa cha py FOUNDER châta apyhpa châ ta, he py paduana noh liata vaw puapa zydua cha CO-FOUNDER châta apyh khaipa ama châ hra. Thla charu chhôh châta chhithatuhpa châ chy awpa (Adhoc Leaders) rao