LIALAIPI TOWN - CAPITAL OF EAST MARALAND
Lialaipi khih he Nochhi Mararâh liata cha khihpi chaipa châ ta, Matupi Township, Chin State, Myanmar liata a ypa a châ. Odyh he 450 rachhôh y pata chysa apahrâpa maluh he 1700 rachhôh ama y hai. Lialaipi khih he Nochhi Mararâh liana cha a lia khophie chaipa liata a ypa a châpa vâta sievawna chhao lathlô chapia hluh chaipa a châ. A chyss a pahrâpazy he Zyhno chi châ ei ta, chysa reika chyhpa ama châ nota raihriana kyh liata chysa tiama kawpa ama châ.
Lialaipi khih peimawhna:
Lialaipi khih liana he Awnanopa nata sapa liata chysa nôpaw peimawhpazy pua tuahna a châna hawhta atahmâ chhao MEC HQ yna supi chaipa a châ. Town piepa ama châna hawhta MYO liata a laichaipa Administrator Office nata Qrtrs zy chhao a y khai ha hra. Cha dei châ lei pata, Myanmar Pheisaih nata Police zy supipa chhao a châ hra. Achuna lâ liata Primary tawhta High School taih achuna y hai ta, University / College padua awpata hmala haipa châ ta a su zy chhao liahsa reserve khaipa a châ haw. Atahmâ he Health and Hope Mission hmalana ry liata Hospital nata Zawtheipa Tlana Airstrip chhao sa ngahaipa a châ hra.
Communication and Transportation:
Khih chhôh liana heta metal road y khai ha ta, Myanmar sawkhâ taopa motor lâthlô cha National Highway lâthlô ta chhiah pazao hapa châ ta, metal deikua tao patlô mah leipa a châ. West Maraland Khihpi Siaha tawh chhaota noh 1 ta Lialaipi he a sie theipa a chápa vâta chysa hluhpi ta ama tly pathao ha ba. Communication liata Myanmar Telecom network TELENOR cha internet thatlô kawpa hmâh thei ei ta, India network BSNL patu hra.
Lialaipi mo he chysa raihria tiamapa nata a hriapasa chaipa tah thei awpa ama châ. Za khano via tawhta niebaw kyh liata rairuna a tyh hrao leipa ei ta, ama pahrâna râh he Lyu tao nawpa ta râh lai pha kawpa ama hneipa vâta raihria tiama kawpa ama châ tahpa a pahno thei.
Note- A video he moh la Lialaipi khih cha a sia pata na hmô thei aw.
Comments
Post a Comment