MADC BUDGET 2021

By

 PRESS RELEASE

No.22/2021


MADC Budget Session 2021 cha apalâ kawpa ta hnei patlô


Siaha, 24 Pamih, 2021 – Atamy dawh 10:30 Am liata noh 3 chhôh ôpa Mara Autonomous District Council (MADC), Budget Session 2021 cha MADC Session Hall liata a noh 3-na châta hnei pazaopa a châ.


Puhpa N. Zakhai, CEM ta kô 2021-2022 chhôh châta MADC sôh hmâna awpa châta patohpatiapa Budget, Hriatuanoh liata a vaw phuah hapa Rs.16,073.75 lakhs cha rei pakawhna hneipa ta Budget Speech a hnei.


Puhpa N. Zakhai, CEM Budget Speech 2021-2022 tlâhpi viapazy:-


Kô 2021 - 2022 Budget Estimate hleikhô ta Budget Supporting documents châta Salary and Employment Data nata Work Schedule ano-eih ta a Bu ta tao heihpa a châ.


Atakô Budget liata ngiatlâh kawpa nata hmasiena y heihpa cha MDC Local Area Development Schemes châta Rs.100.00 lakh sopa châ ta, Elected MDC pakha ta kô kha châta Rs.4:00 lakh he ama Bia (Constituency) hmasiena châta hmâ theipa a châ ha bâ aw.


He eima sôh hmô awpa Rs.16,073.75 lakhs chhôh  liana heta V/C Salary Rs.55.56 lakhs, V/C (Non-Salary) work châta Rs. 124.62 lakhs nata Local Revenue Receipt Rs.180.00 lakhs zy chhao pahlao khaipa a châ.  Local Revenue Receipt he 2020-2021 liata COVID-19 vâta target patlothei leipa a châ taraw pata, atakô cha hnabeiseina chôta Rs.180.00 lakh liata soh heihpa a châ.


Kô 2020 - 2021 Budget Estimate liata Mizoram Sawhkhâh tawhta COVID-19 vâta 10% Non-Salary deduction taopa châ ta, chavâta Non-Salary fund he 90% ngâlâh eima hmô.


Cess châta kô 2020-2021 chhôh ta MADC ta ahmôpa zydua cha Rs.128.00 lakhs a châ. He he ta eima Revenue Receipt hmôpa a pahlu sa hra.


Atakô he COVID-19 vâta State sawhkhâh nata District Council zy ta rairuna eimâ tyh chyupa vâta, Budget he papôh tlâ leipa châ ta, a ualua (same size) ta taopa a châ. Government of Mizoram tawhta allocation he hmô baichhipa châvei hrasala, 2021-2022 Financial Year chhôh he ta hmôh baichhi awpa ta hnabeiseipa châ ta, Mizoram Finance Commission tawh chhaohta, sôh baichhina he hmô awpa ta hnabeiseipa a châ hra.


Atakô Budget he Mizoram ADC Fund Rules 2018 hawhta, Demand number zydua soh pata paryhpathi khaipa châ ta, Receipt nata Expenditure Head liata eima hmâ leipa zydua cha palâsa khao leipa (omit) a châ. Fund Rules liata y leipa Planning & Programme Implementation Department chhao rypao viana vâta Finance & Accounts Sub-Head liata sopa a châ. Natural Calamity Head he a y hra leipa vâta, Relief & Rehabilitation Head liata pahlypa a châ. Law & Judicial Department he DCC nata SDCC ta pachhaipa a châ hra. Information & Publicity Department Salary Head chhao atakô Budget tawhna he ta athiehpa ta pahlaopa a châ hra.


Finance & Account Department Salary Head ry liata MDC's, Executive Personal Attendant, House Rent nata Electricity zy he ryhpao viana vâta Legislative Department Salary Head lâta pasiepa a châ.


Ei châ ly kaw ei.


Kô 2021-2022 MADC Budget cha lôhraoh kawpa ta pass pa a châ. He ary liata palasapa Official Bill sâkha (1) chhao pass pa a châ hra. 


The Mara Autonomous District Council (Public Health and Sanitation) Bill, 2020.



MADC Budget Session 2021 he Puhpa H. Sahlo, Chairman ta atanoh dawh 4:30 Pm liata Session he a pachhâsa.


Issued by:-

Information & Publicity Department

Mara Autonomous District Council

Siaha.

Comments

Post a Comment

Popular posts from this blog

SIAHA DC OFFICE TAWHTA NH-54 COMPENSATATION RAIPA A CHÂ

By
Image
*SIAHA DC OFFICE LAND ACQUISITION CELL tawhta COMPENSATION PHUSA Rs. 2189 lakhs hlei raih papuapa a châ.* *MHS Siaha; 26th August  2019:* Atanoh my dawh 11:30Am khata NH-54, Kaochao--Tipa (2lane) chhia awpa liata O, sadôh nata râh a parao awpazy hnohta Siaha DC office ta compensation *Rs.21,89,75,227/-rai papua ta, raih papua mah leipa Rs.23,43,58,138/- a y hla chy.* Atanoh Compensation Siaha DC office liata Land Acquisition Cell tawhta compensate ama piena zie cha he a ry liata hawhna he a châ. *1. KAOCHAO 'E'- I:* Chysa manôh 33 hnohta Rs.1,93,31,490/- , rai chypa châ ta, rai mah leipa Rs.2,11,15,018/-a y chy. *2. KAOCHAO 'E'-II:*  Chysa manôh 42 hnohta Rs.1,10,74,500/- rai pata, rai mah leipa Rs.4,11,69,357/-a châ. *3.AMÔBYU- 'V' (P-7):* Chysa manôh 11 hnohta Rs.78,74,254/-  rai pata, rai mah leipa Rs.78,74,250/-a châ. *4. AMÔBYU- 'V( P-8 ):* Chysa manôh 78 hnohta  Rs.4,46,30,730/- rai pata rai mah leipa Rs.4,47,26,998/- a châ. *5.
Read more »maralandhistory

KTP FOUNDER MACHA H. ZACHO THÂTIH CHYUPA

By
Image
KTP FOUNDER MACHÂ H. ZACHO THÂTIH CHYUPA *KRIZYHPA THYUTLIA PY FOUNDER MACHÂ ZACHO HNAIHLY (L) THÂTIH TLÂHPIPA* ( KTP Day ei 72 Special post) - FC. Henry . Machâ Zacho Hnahly, Machâ H. Zacho tahpa ta chyhsa hluhpi ta eima pahno hrapa he Puhpa Hlitha Hnaihly nata Pihnô Zahei Tlapyu-zy sawchapawpa châ awpa ta kô 1917 Pachawh 15th ( Hriaheinoh) lia khata vaw pih ta, 14th Hmypi 1932 noh ta Krizyhpa liata a moh roh ta, 2nd Khihpa 1932 liata Rev. RA Lorrain ta Bâti a pachâsa. Ô 1928-1932 likah liata Saikao Mission Saku liata achuna daihti hmâh ta, achunaa vaw patlô tawhta Mission School liata pachutuhpa rai hria ta, zâlâ Saku ama bâh tawhta Awnanopa Office liata KrizyhpaChiahmie nata Awnanopa Record rai a hria hei tyh.Kô 1938 Hmypi 2nd liata lahpinô châta Tlôsai zuah, Heiva Mathipi nata ahnei ei ta, sawchapaw 4 nata sawchanô 6 hnei ei ta, ama sawchapaw 1 nata sawchanô 1 deikua vâduachhihkawpa ta amâ pahâ haw.  . Puhpa H. Zacho he chyhsa vâdua kawpa châ ta, Pihnô Heiv
Read more »maralandhistory

ZYHNO KHIH THÂTIH

By
Image
ZYHNO KHIH VAW TLY HRA MAH Y. Beihrua Lodua, Zyhno                                  (Camp: Siaha) Hlichhaw nata Hlaw-y zy vâta Mararâh liata kypachâpazy khihpi tah thei awpa y chhôhpa cha Zyhno khihpi he a châ thlyu na. Mararâh khihpi Siaha tawhta kilometers 85 â hlapa châ ta, mawtaw (motor) ta dawh 3:30 rachhôh lâsie a châ. India central sawkhâ pahnokheipa National Highway(NH-54) chhâna nata Mararâh khihpi sanona Tipa tawhta 10kms na sie tawhta khih hmoh a ryh kawpa, Maraland Airport tao nawpa hmahta su a ryh kawpa Siatlai khih na tlô aw. He Siatlai he khih moh hawhta reipa hmata châ hra sala Zyhno khithieh tahpa tawhta a pasie laihpa ama châpa vâta Zyhno khih dohseipa, vaih kha hawhta pachâ theipa a châ. He Siatlai tawhna heta nochhi lâ na sai khiatala a ry lâta khih a ryh kawpa, Lawpi tlâh chô liata nai zualua pata khih hmoh a paryhpa na hmô aw. A hmiaphao cha Helicopter nata a lyu kaw aw ta, Krizypa khih a châ zie pasia via nawpa ta khih luh nata chao lâ liata Ach
Read more »maralandhistory