MARA WRITERS CLUB A VAW DUANA CHÔCHÂH

MARA WRITERS’ CLUB PADUANA REPORT

(Adhoc President châta Satlia F.C. Chhuasa)

Daihti vâropi a khô hapa tawhta Internet nata thâtihbu siepahliepa ta a pahnosana eima vaw hmô tyhpa hawhta, saduthliena râh cha a hmeiseihpa râh lâta pachâsapa châpa ta MARA WRITERS’ CLUB cha zâhnia i.e. 14, Patô 2014 (Pakhynoh) zâlâ dawh 2:15 pa khata paduapa a châ haw.

MSO General Headquarters, Siaha Office liata Marasaw châro apahâhpa nata Literature thapasapa manôh 21 tlai puapakhy ei ta, lôraoh kawpa ta py moh châta pahruapa Mara Writers’ Club cha apyhpa a châ. Satlia FC. Chhuasa (Convener) ta he atyupahmaohna he chhitha ta, H.C. Malsawmthanga ta Minute a roh.

Apuapakhypazy ta lôraoh kawpa ta FC. Chhuasa, Convener, he py paduapa a châ thei n’awpa ta thapi vaw phia ta, vaw patohpatiatuh chaipa cha py FOUNDER châta apyhpa châ ta, he py paduana noh liata vaw puapa zydua cha CO-FOUNDER châta apyh khaipa ama châ hra.

Thla charu chhôh châta chhithatuhpa châ chy awpa (Adhoc Leaders) raona hneipa châ ta, he nahzy he lôraoh kawpa ta raopa ama châ:

President – FC. Chhuasa, College Vaih

V/ President – L. Beimokhai, Meisavaih

Gen. Secretary – H.C. Malsawmthanga, College Vaih

Asst. Secretary – VL. Thakima Chozah, New Colony

Information Secretary – Beilôna Hlychho, Meisavaih

Finance cum Treasurer – Lalremruata Khithie, Siaha Vaihpi-III

Adhoc Executive Committee Members châta py padua noh liata vaw puapa (OB liata ahlao leipa zydua) zy cha raopa châ ei ta, he nahzy he ama châ:

1). LD. Vabeihruasa, ECM Vaih

2). C.H. Kyhpachâ, ECM Vaih

3). Judson Jephatha Khithie, Vaihpi–I

4). Robert B. Syuhlô, College Vaih

5). V. Vabeibaoly, College Vaih

6). Baihlaotlo Syuhlô, New Colony

7). Aldrin J. Byhnapatha, Meisavaih

8). Abie Nôtlia, Siaha Vaihpi

9). John Beizachhi Phuto, Siaha Vaihpi

10). K. Laitha

11). Irisha Thlyutha (Miss Mara), College Vaih

12). S. Siamkungi, New Siaha

13). Tracy Hlychho, Siahatlâh

Adviser châta Rev. Dr. S.T. Zawsi nata Machâ Nôhro Hmoko zy raopa ama châ hra. Âmo pano he py padua noh ta pawhrâh chaipa ta maniah a vaw hlaopa ama châ.

Rairuna vâta py padua noh ta vaw pua thei leipa, Membership Fee vaw pangia pâ hapa y ei ta, he nahzy he ama châ:

1). AZ. Sa-u, College Vaih

2). AZ. Zese, Meisavaih

3). FC. Henry, College Vaih

4). FC. Beithasia, College Vaih

5). Ngôpapaw Nôhro, New Colony

6). Beikhotly L. Mara, Chhaolô (Camp: Nagpur)

7). K. Beirôna, Chheihlu

8). LD. Beihriasa, ECM Vaih

Office Bearer nata Executive Committee Members (Adhoc) zy heta py achhithana dâh nata phôh, py hmo chhuahpa nata peimawh hropazy cha thla charu hhôhta vaw patohpatia aw ei ta, cha hnôh lâta General Election cha hneipa a châ aw.

Eimâ pahnosa ha chiehpa hawhta, he py liata sahlao (Members) châ awpa ta lyuri bâhkhâh khâpa hmah taopa châ leipa ta, a khohpa nata Mara reih nata Literature thapasapa maih ahlao theipa a châ. Py moh vâta sahlao châ â phuh leipa hawhta a pachâpa eima y tahpa pahno pi ta, pei eima tah ngaita kaw. Py moh he cha khei hawhpa rai vaw châ sala, Mara reih nata Literature hmahsie via n’awpa ta eima theina hawhta keih eima chakâ thei n’awpa lâthlôh he tlao sai hri ei suh u. Thokha ta roh aw ei ta, thokha ta reih aw pi ta, thokha ta paso-pakâ aw pi ta, thokha ta sôh lâta tha eima patlô hra aw. Cha hawhna chata Mara Literature nata Reih laiseih via n’awpa ta tha a pathyu ta, a baokhâ rairie awpa ta py paduapa liana heta ahyrai eimâ tlôh tahpa he sia chanei ei suh u.

Membership Fee tlaw 50/- cheipa ta, OB nata Executive Members zy hnohta pangia lymâ theipa châ ta, rie vaw pangia lymâ awpa ta eimâ haw chyu. He py ta hmah a la pathao n’awpa dâh nata hria awpazy chhao atyuhpakhy hmiatuapa liata reipa châ aw ta, mo to pahnothei awpa ta thâtihbu nata Internet liata eima vaw tawhpapua lymâ aw.

Mara Writers’ Club he py mo kei mâh leipa châ ta, a thari panyu ngaita ta, a paw pakai mâh tiarâh leipa ta, a bôchhâ n’awpa lei phapa â ngiah ta, a laiseih thei n’awpa ta ti â ngiah ngaita kaw hra. Chavâta, rie maniah mohôh u la, maniah paso-pakâ u la, maniah chhorei u la, maniah baokhâ chyu muh vy.

Sd/-

(H.C. MALSAWMTHANGA)

General Secretary